Extremeñas, de J. Mª Gabriel y Galán.

Esta colección de poesías —publicada en 1902— de J. Mª Gabriel y Galán, escritas en habla, una reelaboración literaria de rasgos dialectales, pero sobre todo del castellano vulgar, tuvo un éxito fulminante y persistente, porque recreaba —casi como en un teatro— el ambiente rural de armonía y orden social que tan diferente era a la realidad del momento, en versos memorizables: son dieciocho poemas que contienen todo el regionalismo extremeño. Aunque predominan los tonos dramáticos, el dramatismo de la melancolía más o menos contenida (El embargo, El desahuciado, Los postres de la merienda...), los alterna con versos de intención sentimental (El cantar de las chicharras ) o humorística (Varón, Sibarita ) :


¡Me jiedin los hombris
que son medio jembras!
Cien veces te ije
que no se lo dieras,
que al chiquín lo jacían marica
las gentis aquellas.
Ahora ya lo vide, y a mí no me mandis
más vecis que güelva,
Te largas tú a velo,
que pue que no creas
que tu cuerpo ha parío aquel mozu,
ni que lo cebastis con tu lechi mesma,
ni que tieni metía en la entraña
sangri de mis venas.
N’ámas de mimarros
y delicaezas,
se ha queao lo mesmo que un jilo,
paliúcho y sin chispa de juerza...
Extremeñas, Varón, p. 77

Su primer poema, El Cristu Benditu, ya plantea el tono nostálgico de reivindicación de la vida rural, de sus costumbres, de una pretendida identidad extremeña, y el rechazo a la vida contemporánea. Estos rasgos serán los que definan el regionalismo extremeño y serán aceptados sin crítica por sus discípulos:


1


¿Ondi jueron los tiempos aquellos,
que pue que no güelvan,
cuando yo jui presona leía
que jizu comedias
y aleluyas tamién y cantaris
pa cantalos en una vigüela?
¿Ondi jueron aquellas cosinas
que llamaba ilusionis, y eran
a'specie de airinos
que atontá me tenían la mollera?
¿Ondi jueron de aquellos sentires
las delicaezas
que me jizun lloral como un neni,
de gustu y de pena?
¿Ondi jueron aquellos pensaris
que jacían dolel la cabeza
de puro lo jondus
y enreaos que eran?.
Ajuyó tuito aquello pa siempri
y ya no me quea
más remedio que dilmi jaciendu
a esta vía nueva.
¡Ya no güelvin los tiempos de altoncis,
ya no tengo ilusionis de aquéllas,
ni jago aleluyas,
ni jago comedias,
ni jago cantaris
pa cantalos en una vigüela!..


II


Pensando estas cosas,
que me daban ajogos de pena,
una ves andaba por los olivaris
que la ermita del Cristu roean.
Tristi y aginao,
de la ermita me jui para la vera;
solitaria y abierta la vide
y entrémi por ella.
Con el alma llenita de jielis,
con el pecho jechito una breva
y la cara jiciendu pucheros
lo mesmito que un niño de teta,
juime ampié del Cristu,
me jinqué en la tierra,
y jiciendo la crus, recé un Creo
pa que Dios quisiera
jacelmi la via
una miaja tan sólo más güena.
¡Qué güeno es el Cristu
de la ermita aquella!
Yo le ije, dispués de rezali:
-¡Santo Cristu, que yo tengo pena,
que yo vivo tristi
sin sabel de qué tengo tristeza
y me ajogo con estos ansionis
y este jormiguillo que me joriniguea!
¡Santo Cristu querío del alma!
Tú pasastis las jielis más negras
que ha podío pasal un nacío
pa que tos los malos güenos se golvieran;
pero yo sigo siendo maletu
y a Ti de lo digo lleno de velgüenza
pa que me perdonis
y me jagas entral en verea.
¡Tú, que estás en la Crus clavaíto
pol sel yo maleto, quítame esta pena
que aentru del pecho
me escarabajea!..
¡Jalo asina, que yo te prometo
jacelmi bien güeno pa que Tú me quieras!


III


¡Qué güeno es el Cristu
de la ermita aquella!
Pa jacel más alegri mi vía,
ni dineros me dio ni jacienda,
polque ice la genti que sabi
que la dicha no está en la riqueza.
Ni me jizu marqués, ni menistro,
ni alcaldi siquiera,
pa podel dil a misa el primero
con la ensinia los dias de fiesta
y sentalmi a la vera del cura
jaciendu fachenda.
¡Pa esas cosas que son de fanfarria
no da nada el Cristu de la ermita aquella!
Pero aquel que jiciendu pucheros
se jinqui en la tierra,
y, dispués de rezali, le iga
las jielis que tenga,
que se vaiga tranquilo pa casa,
que ha de dali el Cristu lo que le convenga.
A mí me dio un hijo
que paeci de rosa y de cera,
como dos angelinos que adornan
el retablo mayol de la iglesia.
Un jabichuelino
con la cara como una azucena,
una miaja teñía de rosa
pa que entavia más guapo paeza.
A mí me entonteci
cuando alguna risina me jecha
con aquella boquina sin dientis,
reondina y fresca,
que paeci el cuenquín de una rosa
que se jabri sola pa si se la besa.
¡Juy, qué boca tan guapa y tan rica!
¡Paeci de una tenca!
A vecis su madri
en cuerinos del to me lo quea,
se pon¡ un pañali tendío en las sayas
y allí me lo jecha.
¡Paeci un angelino
de los de la iglesia!
Yo quería que asín, en coretis,
siempre lo tuviera;
y cuando su madri vuelvi a jatealo,
le igo con pena:
-¡Ejalo que bregui,
éjalo que puea
raneal con las piernas al airi
pa que crie juerza!
¡Ejalo que se esponji un ratino,
que tiempo le quea
pa enliarsi con esos pañalis
que me lo revientan!
¡Ejamelo un rato
pa que yo lo tenga
y le jaga cosinas bonitas
pa que se me ría mientris que pernea!
¡Que goci, que goci
to lo que asín quiera;
que pa jielis, y ajogos, y aginos
mucho tiempo quea!
¡Ejamelo pronto pa zarandealo!
¡Ejame el mi mozu pa que yo lo meza,
pa que yo le canti,
pa que yo lo duerma
al ton de las guapas
tonás de mi tierra,
continas y dulcis,
que paecin zumbíos de abeja,
ruíos de regato,
airi de alamea,
sonsoneti del trillo en las miesis,
rezumbal de mosconis que vuelan
u cantal dormilón de chicharra
que entonteci de gustu en la siesta!...
¡Míale cómo bullí,
miale cómo brega,
miale cómo sabi
óndi está la teta!
Si conocis que tieni jambrina
dali una gotera
pa que prontu se jaga tallúo
y amarri los chotos a puro de juerza.
¡Miali que prontino
jizu ya la presa!
¡Miali cómo traga; mia que cachetinos
mientris mama en el pecho te pega!
¡Mia que arrempujonis da con la carina
pa que salga la lechi con priesa!
¡Asín jacin tamién los chotinos
pa que baji el galro seguío y con juerza!
Ya se va jartando. ¡Mia cómo se ríe,
miale cómo enrea!
Jasta el garguerinu
la lechi le llega,
porque va poniendo cara de jartura
y el piquino del pecho ya eja.
Quítalo enseguía pa que no se empachi
y trai que lo tenga...
¡Clavelino querío del güerto!,
ven que yo te quiera,
ven que yo te canti,
ven que yo te duerma,
al ton de las guapas
tonás de mi tierra,
pa que pueas cantalas de mozo
cuando sepas tocal la vigüela.
¡Venga el mi mocino,
venga la mi prenda!
Ven que yo te besi
con delicaeza,
ondi menos te piquin las barbas
pa que no te ajuyas cuando yo te quiera,
ni te llorin los ojos, ni arruguis
esa cara más fina que sea,
ni te trinquis p'atrás enojao
si tu padri en la boca te besa...


IV


Mujel, ¡mia que lindu
cuando ya está dormío se quea!
¿Tú no sabis por qué se sonrie?
Es porqui se sueña
que anda de retozus con los angelinos
en la gloria mesma...


V


¡Qué guapo es mi neni!
¡Ya no tengo pena!
¡Qué güeno es el Cristu
de la ermita aquella!
Extremeñas, El Cristu Benditu, p. 69-76